လူ့အခွင့်အရေးနေ့
ကို နှစ်စဉ် ဒီဇင်ဘာလ ၁၀ ရက်နေ့သို့ရောက်တိုင်း ကမ္ဘာတ၀န်းလုံးတွင် ကျင်းပကြသည်။
၁၉၄၈ ခုနှစ်၊ ဒီဇင်ဘာလ ၁၀ ရက်နေ့တွင် ကုလသမဂအထွေထွေညီလာခံတွင်
အပြည်ပြည်ဆိုင်ရာ လူ့အခွင့်အရေးကြေညာစာတမ်း(ယူဒီဟိုက်ခ်ျအာ)ကို
အတည်ပြုကြေညာနိုင်ခဲ့ခြင်းအပေါ် ဂုဏ်ပြုသောအားဖြင့် ဒီဇင်ဘာလ ၁၀ ရက်နေ့ကို
ရွေးချယ်ခဲ့ကြခြင်းဖြစ်သည်။ အပြည်ပြည်ဆိုင်ရာလူ့အခွင့်အရေးကြေညာစာတမ်းသည်
ကမ္ဘာ့ပထမဦးဆုံး ထုတ်ဖော်ကြေညာချက်ပင်ဖြစ်ပြီး၊ အသစ်စက်စက်ဖွဲ့စည်းလိုက်သော
ကုလသမဂအတွက် ပထမဆုံးအဓိကအောင်မြင်မှုများထဲမှ တစ်ခုအပါအ၀င်လည်းဖြစ်သည်။
လူ့အခွင့်အရေးနေ့ပေါ်ပေါက်လာပုံမှာ ၁၉၅၀၊ ဒီဇင်ဘာလ ၄ ရက်နေ့တွင် ကျင်းပသော ကုလသမဂအထွေထွေညီလာခံ၊
၃၁၇ ကြိမ်မြောက် မျက်နှာစုံညီအစည်းအဝေးတွင်ဖြစ်သည်။ အဆိုပါအစည်းအဝေးတွင် ဆုံးဖြတ်ချက်
၄၂၃(င) ကို ကြေညာလျက် သက်ဆိုင်ရာကုလအဖွဲ့အစည်းဝင် နိုင်ငံများအားလုံးနှင့်
အခြားစိတ်ဝင်စားသော မည်သည့်အဖွဲ့အစည်းများမဆို ကျင်းပနိုင်စေရန် ပန်ကြားခဲ့သည်။
ဤနေ့ကို အဆင့်မြင့်နိုင်ငံရေးညီလာခံများနှင့်
အစည်းအဝေးများကသာမက လူ့အခွင့်အရေးဆိုင်ရာ ယဉ်ကျေးမှုပွဲတော်များနှင့် ပြပွဲများကပါ
အမှတ်အသားပြုကြသည်။ ထို့ပြင် အစဉ်အလာတစ်ခုအနေဖြင့်လည်း နှစ်စဉ် ဒီဇင်ဘာလ ၁၀
ရက်နေ့တိုင်း နိုဘယ်ငြိမ်းချမ်းရေးဆုနှင့် ကုလ ငါးနှစ်တစ်ကြိမ်
လူ့အခွင့်အရေးလှုပ်ရှားမှုဆုကို ချီးမြှင့်ကြသည်။ အစိုးရအဖွဲ့အစည်းများနှင့် အစိုးရမဟုတ်သော
လူ့အခွင့်အရေးဆိုင်ရာအဖွဲ့အစည်းများကလည်း အထိမ်းအမှတ်အထူးပွဲတော်များ နှစ်စဉ်
သတ်သတ်မှတ်မှတ် ကျင်းပလေ့ရှိကြသည်။ ထို့အတူ အရပ်ဘက်နှင့် လူမှုအခြေပြုအဖွဲ့အစည်းများကပါ
လူ့အခွင့်အရေးနေ့ကို ကျင်းပပြုလုပ်ကြလေသည်။
သမိုင်းကြောင်း
လူ့အခွင့်အရေးနေ့သည် ၁၉၄၈ ခုနှစ် ကုလသမဂ အထွေထွေညီလာခံကြီးက အပြည်ပြည်ဆိုင်ရာလူ့အခွင့်အရေးကြေညာစာတမ်းကို အတည်ပြုကြေညာခဲ့သောနေ့ကို အထိမ်းအမှတ်အဖြစ် ပြုလုပ်ကျင်းပသည့် နေ့ထူးတစ်ရက်ဖြစ်သည်။
လူ့အခွင့်အရေးနေ့ စတင်သနေဓတည်ပုံမှာ ၁၉၅၀ ခုနှစ် အထွေထွေညီလာခံကြီးအပြီး ဆိုင်ရာဆိုင်ရာ နိုင်ငံများနှင့် အဖွဲ့အစည်းများက လူ့အခွင့်အရေးနေ့ကျင်းပကြရန် ဆုံးဖြတ်ချက် ၄၂၃(င)ကို ထုတ်ပြန်ကြေညာပြီးနောက် စတင်ခဲ့သည်။ လူ့အခွင့်အရေးနေ့နှင့်ပတ်သက်ပြီး လူထုစိတ်ဝင်စားမှုကို ၁၉၅၂ ခုနှစ်တွင် ကုလစာတိုက်အုပ်ချုပ်ရေးဌာနက ထုတ်ဝေသော လူ့အခွင့်အရေးနေ့အထိမ်းအမှတ်တံဆိပ်ခေါင်းများ အမှာလက်ခံရရှိမှုပမာဏကို ကြည့်ခြင်းအားဖြင့် သိရှိနိုင်သည်။ ထိုနှစ်မှာပင် ခန့်မှန်းခြေအားဖြင့် စာပို့တံဆိပ်ခေါင်းအထူးအော်ဒါမှာယူမှုပေါင်း ၂၀၀၀၀၀ (နှစ်သိန်း)ခန့်ရှိလေသည်။
အထွေထွေညီလာခံက ကြေညာစာတမ်းကို ကြေညာစဉ်က ထောက်ခံမဲ ၄၈ မဲ(၄၈ နိုင်ငံ)နှင့် ကြားနေမဲ ၈ နိုင်ငံရှိခဲ့သည်။ ၄င်းကြေညာစာတမ်းသည် "အနောက်တိုင်းဆန်သည်"ဟု သုံးသပ်ကောက်ချက်ချသည့် နိုင်ငံများစွာလည်း ရှိခဲ့သည်။ မည်သို့ပင်ဆိုစေကာမူ ဤသို့ စာတမ်းကြေညာနိုင်ခဲ့မှုအပေါ် "လူသားအားလုံးနှင့် နိုင်ငံအားလုံး၏ ဘုံအောင်မြင်မှုစံနှုန်းကြီး"တစ်ခုဖြစ်သည်ဟု ထုတ်ဖော်ပြောဆိုခဲ့ကြသည်။ ၄င်းသည် ကမ္ဘာ့လူသားတစ်ဦးချင်းစီနှင့် လူ့အဖွဲ့အစည်းများသို့ "လူ့အခွင့်အရေးများကို လူသားအားလုံးသိရှိလျက် အကျိုးဖြစ်ထွန်းသော တစ်ဦးချင်းစီသိရှိမှုမှသည် နိုင်ငံအဆင့်၊ နိုင်ငံအဆင့်မှသည် နိုင်ငံတကာအထိအောင်ပါ တိုးတက်သော လူ့အခွင့်အရေးစံနှုန်းများ ထွန်းကားစေရေး"ကို ဦးတည်ကြောင်း ကိမ်းဘရေ့ခ်ျတက္ကသိုလ်ပုံနှိပ်တိုက်က ထုတ်ဝေသော ကိုဟန်ဂျီ ဒန်နီရယ်ရေးသားသည့် "အလုပ်ခွင်မှ လူ့အခွင့်အရေးတော်လှန်မှု- ဥရောပစစ်အေးခေတ်က အလုပ်ဖြုတ်မှု၊ နေရာရွှေ့ပြောင်းမှုများ"စာအုပ်တွင် ရေးသားထားသည်။
ကြေညာစာတမ်းတွင် နိုင်ငံရေးအခွင့်အရေး၊ နိုင်ငံသားအခွင့်အရေး၊ လူမှုရေး-ယဉ်ကျေးမှုရေးရာနှင့် စီးပွားရေးဆိုင်ရာ အခွင့်အရေး ကဏ္ဍများအားလုံးကို ခြုံငုံဖော်ပြထားပြီး၊ တရားဝင် ၀န်ခံကတိပြုမှုစာချုပ်ပုံစံမျိုးမဟုတ်လင့်ကစား အပြည်ပြည်ဆိုင်ရာလူ့အခွင့်အရေးစံနှုန်းသတ်မှတ်ချက်တစ်ခုကို ဖွဲ့စပ်ထားသည့် လူ့အခွင့်အရေးဆိုင်ရာ အချက်(၆၀)ကျော်ကို ပြဆိုတိုက်တွန်းထားသည်။ ယနေ့ခေတ်တွင် ကုလအဖွဲ့ဝင် နိုင်ငံများအားလုံးသည် ကြေညာစာတမ်းတွင် ကြေညာတိုက်တွန်းထားသော အခြေခံလူ့အခွင့်အရေးများကို ပိုမိုခိုင်မာအားသန်လာစေရေးနှင့် လူအများ၏ နေ့စဉ်လူမှုဘ၀တွင် သက်ရောက်မှုရှိနေစေရန် အလေးအနက်ထားဆောင်ရွက်ကြရသည်။
ကုလသမဂ၏ လူ့အခွင့်အရေးအထူးကိုယ်စားလှယ်အဖြစ် လူ့အခွင့်အရေးမဟာမင်းကြီးနှင့် ၄င်း၏ဌာနသည် နှစ်စဉ် လူ့အခွင့်အရေးနေ့ ကျင်းပမှုနှင့်ပတ်သက်ပြီး အရေးပါစွာ ဆောင်ရွက်ရသည်။ "ဤယနေ့ခေတ်တွင် ဆင်းရဲမွဲတေမှုသည် လူ့အခွင့်အရေးဆိုင်ရာ ခေါင်းလောင်းသံတစ်ခုအဖြစ် စိန်ခေါ်နေပြီဖြစ်သည်။ ဆင်းရဲမွဲတေမှု၊ အခြေခံအခွင့်အရေးလျစ်လျူအရှုခံရမှု၊ ချို့တဲ့ငတ်မွတ်မှုနှင့် လူ့အဖွဲ့အစည်းတွင် မပါဝင်ရမှု စသည် လျှော့ချ/တိုက်ဖျက်ရေးသည် လူမှုအဖွဲ့အစည်းများနှင့်မသက်ဆိုင်။ ထို့အတူ တိုင်းပြည်ချမ်းသာခြင်း/မချမ်းသာခြင်းအပေါ်တွင်လည်း တည်မှီခြင်းမရှိ။ လူ့အခွင့်အရေးတာဝန်သိတတ်မှုတစ်ခုအဖြစ် ဆင်းရဲမွဲတေမှုကို ကော်ထုတ်ပစ်ရန် ကျွန်တော်တို့ဘ၀တလျှောက် ဤကြာပွတ်ဆိုးကြီးကို ဖျက်ဆီးပစ်ဖို့ ကမ္ဘာတွင် အခွင့်အရေးရှိနေပါသည်။ ဆင်းရဲမွဲတေမှုတိုက်ဖျက်ရေးသည် ရောက်အောင်လှမ်းနိုင်သည့် ပန်းတိုင်တစ်ခုဖြစ်ပါသည်"ဟု ကုလသမဂလူ့အခွင့်အရေး မဟာမင်းကြီး လူးဝစ်အာဘာ က ၂၀၀၆ ခုနှစ်၊ ဒီဇင်ဘာလ (၁၀)ရက်နေ့ (လူ့အခွင့်အရေးနေ့)တွင် ပြောကြားခဲ့သည်။
လူ့အခွင့်အရေးကြေညာစာတမ်း အနှစ်(၆၀)မြောက် အထိမ်းအမှတ်ပွဲတော်ကို ၂၀၀၈ ခုနှစ်၊ ဒီဇင်ဘာလ (၁၀)ရက်နေ့တွင် ကျင်းပစဉ် ကုလအထွေထွေအတွင်းရေးမှူးချုပ်က တစ်နှစ်ကြာ လူ့အခွင့်အရေးလှုပ်ရှားမှုအစီအစဉ်ကို စတင်အသက်သွင်းခဲ့သည်။ ယူ.ဒီ.ဟိုက်ခ်ျ.အာ (ခ) ယင်းကြေညာစာတမ်းသည် (သမ္မာကျမ်းစာမှတပါး) ကမ္ဘာတွင် ဘာသာပေါင်းစုံသို့ ဘာသာပြန်အများဆုံး ကမ္ဘာ့မှတ်တမ်း ၀င်သွားခဲ့ပြီဖြစ်သည်။ ကမ္ဘာအရပ်ရပ်ကအဖွဲ့အစည်းများကလည်း ကမ္ဘာအရပ်ရပ် ပြည်သူများ မိမိတို့အခွင့်အရေးသိရှိလာစေရန် ၀ိုင်းဝန်းကူညီ ကြိုးစားလှုပ်ရှားခဲ့ကြလေသည်။
၂၀၁၆ ခုနှစ်၊ ဒီဇင်ဘာလ(၁၀)ရက်၊ လူ့အခွင့်အရေးနေ့အမှတ်တရ . . .
Wikipedia ကမ္ဘာ့လွတ်လပ် အခမဲ့စွယ်စုံကျမ်းမှ ဘာသာပြန်ဆိုဖော်ပြပါသည် . . .
