ကိုးရာမဲ့တို့ နားခိုရာ . . .
_____________________________
. . . . . . . . . . . . . . . . . . . . . . . . . .
တံတားဦးမြို့နယ်အတွင်းမှ ရွာညောင်လှရွာတွင် ဖြစ်၏။ လယ်ယာစိုက်ပျိုးရေးကို
မှီခိုအားထားနေကြရသော ရွာငယ်လေး . . ။
အိမ်ခြေ ၄၀၀ ကျော်မျှသာရှိသည့် ဤရွာလေးတွင် မှီခိုအားထားနေကြရသော
လူအများစုမှာ မြန်မာလူမျိုး လယ်သမား၊ ယာသမား၊ လက်လုပ်လက်စား လူတန်းစားထုမျှသာ ဖြစ်လေသည်။
လယ်ပိုင်ယာပိုင်ရှိသလို အခြားလယ်၊ယာများတွင် လုပ်ကိုင်စားသောက်ကြသော အလုပ်သမားလူတန်းစားများလည်းရှိလေသည်။
လယ်ပိုင်ယာပိုင်၊ လယ်ရှင်ယာရှင်များမှာလည်း ယခုနှစ် ရာသီဥတုအခြေအနေမကောင်းလှသဖြင့်
သီးနှံအထွက်တိုးကျဆင်းပြီး ရွာသူရွာသားများမှာ စီးပွားရေးထိခိုက်ကုန်ကြသည်။ လယ်ရှင်ယာရှင်များ
စီးပွားလုပ်ငန်းထိခိုက်ကြသောအခါ လယ်ယာအလုပ်သမားစုမှာလည်း အလုပ်လက်မဲ့ဖြစ်ကုန်ကြသည်။
အချိန်ကာလမှာ ၂၀၀၇-၂၀၀၈ ပတ်ဝန်းကျင်တွင်ဖြစ်သည်။
အခြားရွာသူရွာသားများနည်းတူ ဒေါ်ဌေးမြင့်တို့မိသားစုတွင်လည်း
ယခုနှစ် ယာအထွက်တိုးကျဆင်းပြီး စီးပွားရေးမပြေမလည်ဖြစ်ကြရသည်။ ဘိုးဘွားစဉ်ဆက် ဓားမဦးချ
ယာမြေများဖြစ်ကြ၍ ယာပိုင်များဖြစ်ကြ ရသော်လည်း သီးနှံအထွက်ကမကောင်း၊ ဈေးကမကောင်းဖြစ်ပြီး
မိသားစုစီးပွားရေးထိခိုက်ကြရသည်။ နောက်ထပ်စိုက်ပျိုးရာသီ တစ်ရာသီအတွက်ပင်လျှင် အစိုးရချေးငွေစရိတ်ချပေးမှ
အဆင်ပြေပြေဖြစ်သွားနိုင်လိမ့်မည်။ အကယ်၍ မရခဲ့ပြန်ပါက ရွာထိပ်က ဦးအုန်းမြင့်ထံမှ ငွေတိုးကြီးချေး၍
စွန့်စားလုပ်ရပြန်လိမ့်မည်။
ဒေါ်ဌေးမြင့်တွင် သမီးနှစ်ယောက်သာရှိပြီး သမီးအကြီးမှာ ယခုလာမည့်နှစ်
ဆယ်တန်းတက်ရပေလိမ့်မည်။ ကိုးတန်းတွင်ကြိုးစား၍ ထူးချွန်စွာအောင်မြင်သည့် သမီးကြီးကို
ကျောင်းဆက်တက်၍ ဘွဲ့ရပညာတတ်ကြီး ဖြစ်စေချင်လှသည်။ သူတို့၏ဖခင်မှာ သမီးအငယ်မ အခါလည်လောက်ကပင်
ဆုံးပါးသွားခဲ့ရာ ဤသမီးနှစ်ယောက်ကို အမေလိုတစ်မျိုး၊ အဖေလိုတစ်မျိုး ကိုယ်ကပင် ပြုစုစောင့်ရှောက်
ပျိုးထောင်ပေးခဲ့ရာ သမီးကြီးပင် ယခုအခါ တက္ကသိုလ်ဝင်တန်းသို့ပင် တက်ရောက်ရတော့မည်ဖြစ်သည်။
အောင်စာရင်းထွက်သည့်နေ့က ပျော်ရွှင်နေရှာသော သမီးကြီး၏မျက်နှာကိုတွေးရင်း သမီးကို တက္ကသိုလ်ထိ
မရောက်ရောက်အောင် ထားပေးမည်ဟု အခိုင်အမာဆုံးဖြတ်လိုက်ရသည်။
သို့သော် . . ။
သို့သော်၏ နောက်တွင် အတွေးများ ဆက်တိုက်ပါလာကြသည်။ သမီးကို
တက္ကသိုလ်ထိရောက်အောင် ထားပေးမည်ဟု စိတ်ကူးသာ ကူးနေရသည်။ ယခုနှစ် သမီး ရှေ့ဆက် ဆယ်တန်းတက်ရဖို့အရေးပင်
တွေးကြည့်ရုံဖြင့် ခက်ခဲနေသေးသည်။ တွေးကြည့်ရင်း သမီးပညာရေးအတွက် ရင်မောရပြန်ချေသည်။
ဖတဆိုးသမီးငယ်များမို့ ဖခင်နေရာ ဖခင်ကိုယ်စားမှာနေ၍ အားကိုးမှီတည်ရာဖြစ်ချင်လှသည်။
ဘယ်လိုလုပ်ရပါမည်လဲ?
တွေးရင်းတွေးရင်း ရင်မောလှသဖြင့် ရေအိုထဲမှ ရေတစ်ခွက်ကိုခပ်သောက်ရင်း
အိမ်ရှေ့တွင် တံမြက်စည်းလှည်း အမှိုက်ရှင်းနေသော သမီးကြီးကို လှမ်းကြည့်လိုက်မိသည်။
သမီးအကြီးမှာ အကြီးပီပီ လိမ်လည်းလိမ္မာလှသည်။ အိမ်မှုကိစ္စ နောက်ပြန်မကြည့်ရလောက်အောင်
တာဝန်ကျေပွန်သည်။ ထို့ကြောင့်လည်း ဒေါ်ဌေးမြင့် ယာထဲကိစ္စတွေကို ရှေ့က သည်းမည်းအာရုံစိုက်
လုပ်ကိုင်နိုင်ခြင်းဖြစ်သည်။ သို့သော် ကြိုးစားလုပ်ကိုင်နေသည့်အကြားမှပင် ယခုနှစ်ရာသီဥတုက
ဆိုးဝါးလာပြီး ၀ါဈေးကျကာ နောက်တစ်ရာသီ တစ်သီးပြန်စဖို့ရာပင် ခဲယဉ်းနေပြန်ချေသည်။ ထို့ကြောင့်
သမီးပညာရေးအတွက်ရောပါ တွေးမိ၍ အကြံအိုက် အခက်တွေ့နေရသည်။ အကြပ်အတည်းကြားမှ သမီးပညာရေးကိုစွန့််၍
ထားရပြန်မည်ဆိုတော့လည်း နောက်တစ်ရာသီစဖို့မပြောနှင့်၊ ယခုပြီးခဲ့သည့် ရာသီအကြွေးပင်
ကျေအောင် ဆပ်နိုင်တော့မည်မဟုတ်ချေ။ ထို့ကြောင့် မထူးတော့သည့်အခြေအနေမို့ သမီးကို အကျိုးအကြောင်းရှင်းပြ၍
နောက်တစ်နှစ်စောင့်ခိုင်းပြီးမှ ဆက်တက်ခိုင်းရတော့မည်။ သမီးဖြစ်သူမှာ လိမ္မာယဉ်ကျေး၊
မိခင်စကားနားထောင်သူမို့ မပြောမဖြစ်မို့ မပြောချင်သော်လည်း အကျိုးအကြောင်းရှင်းပြ၊
ပြောကြည့်ဖို့ရန် ဆုံးဖြတ်လိုက်ရတော့သည်။
"သမီးရေ . . . သမီး"
"ရှင်၊ မေမေ"
"သမီးရေ၊ ခဏ။ မေမေ့ဆီလာပါဦးကွဲ့။ စကားပြောစရာလေးရှိလို့ .. "
"ဟုတ်ကဲ့၊ မေမေ" ပြန်ဖြေရင်း တက်လာသည့် သမီးက သူ့ဘေးနားတွင်
ငုတ်တုတ်လေး ကျုံ့ကျုံ့ရုံ့ရုံ့ဝင်ထိုင်သည်ကိုမြင်လာတော့ ရင်ဘတ်ထဲ ပြောရမည့်စကားလုံးများက
ဆို့လာသည်။ ပြောမယ်လုပ်ပြီးမှ ပြောရမည့်စကားများက လည်ချောင်းဝတွင် ဆို့တစ်နေပြန်သည်။
"သမီး . . ။ သမီးကို မေမေ ခဏ စကားပြောစရာရှိလို့နော်"
"ဟုတ်၊ ဟုတ်ကဲ့။ မေမေ။ ပြော၊ ပြောပါ"
"သမီး ဒီနှစ် ဆယ်တန်းတက်ရပြီနော်"
"ဟုတ်ကဲ့ မေမေ"
"အေး။ ဒီနှစ် သမီးဆယ်တန်းတက်ရမှာတော့ အမှန်ပဲ။ အမေလည်း သမီးကို
ဆယ်တန်းအောင်ရုံတင်မကဘူး၊ တက္ကသိုလ်တက်ဘွဲ့ရသည်ထိပါ ပညာတတ်ကြီးဖြစ်စေချင်တာ သမီးလည်းအသိပဲ"
"ဟုတ်ကဲ့ မေမေ" သမီးက
ဟုတ်ကဲ့လေးလိုက်ရှာရင်း သူမစကားကို ထောက်ပေးနေပေမယ့် ဒေါ်ဌေးမြင့် ပြောရမည့်စကားများက
တခါ ရင်ဝတွင် တစ်ဆို့နေရပြန်သည်။ ရှေ့မှာ ချထားသော ရေနွေးဓာတ်ဘူးလေးကို ငှဲ့မယ်လုပ်တော့
သမီးကပင် ၀င်ငှဲ့ပေးရှာသည်။ သမီးမသိအောင် တံတွေးကို မျိုချရင်း သမီး ရှေ့ချပေးလာသော
ရေနွေးပန်ကန်လုံးကို ကောက်ကာ ခဏအအေးခံ၊ မှုတ်ရင်း သောက်နေလိုက်သည်။ သမီးက မအေ့မျက်နှာကို
ကြည့်ကာ မသိမသာအရိပ်အကဲခတ်နေရှာလေသည်။ လိမ္မာပြီး ဖြူစင်လှသော သမီးမျက်နှာလေးကို ကြည့်ရင်း
ဒီစကားကို မပြောတော့ဟု ဆုံးဖြတ်လိုက်မိပြန်သည်။ "အို . .၊ မဖြစ်သေးပါဘူး။ လာမည့်ဘေးတော့
ပြေးတွေ့ရမှာပဲ။ သမီးလည်း လိမ္မာရှာပါတယ်လေ၊ နားလည်ပေးနိုင်ရှာမှာပါ" ဒီလိုတွေးရင်း
ပြတ်သွားသည့် စကားစကို ပြန်ဆက်လိုက်သည်။
"သမီး၊ ဒီနှစ် ရာသီဥတုမကောင်းလို့ အမေတို့ ၀ါဈေးတွေကျပြီး
အကြွေးပြန်မဆပ်နိုင်တာ သမီးသိတယ်နော်"
"ဟုတ်ကဲ့၊ မေမေ။ သမီးသိပါတယ်"
"အေး. .။ အခုပြီးခဲ့တဲ့ တစ်သီးကလည်း ခုဟာ အမေတို့ ခါတိုင်းနှစ်လိုပဲ
ဦးအုန်းမြင့်ဆီကပဲ အတိုးနဲ့ချေးပြီး စိုက်ရတာလေ။ အခု ဒီရာသီက အဆင်မပြေပြန်တော့ အမေတို့ ပြန်မဆပ်နိုင်တော့ဘူး။
ပြန်မဆပ်နိုင်တော့ ဦးအုန်းမြင့် အဲ့ဒီလူကြီးကလည်း အတိုးက အရမ်းကြီးတယ်။ ကိုယ့်ရွာသားချင်းမို့
ဘယ်တုန်းကမှ သက်သာညှာညှာမရှိဘူး ။"
ရေနွေးပန်းကန်ထဲမှ လက်ကျန်ရေနွေးလေးကို ကောက်မော့လိုက်ရင်း
သမီးမျက်နှာကို တစ်ချက်အကဲခတ်လိုက်သည်။ သမီးက မိခင်ဘာများပြောရှာမလဲဆိုသည့် သိချင်ဇောမျက်လုံးလေးများဖြင့်
စိတ်ဝင်တစား နားထောင်နေရှာသည်။
"ကဲ . .၊ အဲ့ဒါထားပါတော့လေ။ အခုဟာက အမေတို့မှာလည်း ဒီတစ်ရာသီ၊
ဒီတစ်နှစ်တော့ အခက်တွေ့ရပြီ။ အဲ့ဒါလေ. . ဟို . . သမီး ဆယ်တန်းကို .. နောက်တစ်နှစ်မှ ဆက်တက်ပါလား။ သမီးတို့ကျောင်းက
တစ်နှစ်နှစ်နှစ်နားလည်း ကိစ္စမရှိဘူးလေ။ အဲ့ဒါ သမီး ဒီနှစ် တစ်နှစ်နားလိုက်ပါလား။ ပြီးတော့မှ
အမေတို့ နောက်တစ်နှစ် ယာထွက်အဆင်ပြေလို့ရှိရင် သမီး ဆက်တက်ပေါ့. .အဲ့ကျမှ အမေ ဆက်ထားပေးမယ်လေ.
. ။ နော် . . သမီး။"
"ရှင် . . . မေမေ"
သမီးက အသံတိုးတိုးလေး အာမေဋိတ်ထွက်လာရှာသည်။ ပြီးတော့
"အဟင့်ဟင့် မေမေ။ သမီး အဲ့ဒါဆို ဒီတစ်နှစ် ကျောင်းနားရမှာပေါ့နော်.
. ။ဟင့် ဟင့်"
ဘယ်လိုမှထင်မှတ်မထား၊ သမီးခမျာ ကလေးသာသာမျှသာ လူငယ်ဆိုရှာတော့
ဝမ်းနည်းဆို့နင့်ရှာသည်နှင့်တူသည်။ သမီးမှာ အိအိ၊ အိအိနှင့် မျက်ရည်ပေါက်များကျလာရှာပြီး
ခမျာ ငိုရှာပါလေတော့သည်။
"သမီး . . ။မငိုပါနဲ့ကွယ် . . ။ မေမေ နောက်နှစ် သေချာပေါက်
ဆက်ဆက်ထားပေးမှာပါကွယ် နော်. . ။ သမီး မငိုနဲ့နော်"
"ဟင့် မေမေ. .။ သမီး ကျောင်းဆက်တက်ချင်တယ် . . .မေမေ။ ဟင့်"
သမီးပူဆာရှာသည်တော့မဟုတ်ဘဲ ရင်ထဲက သူ့ခံစားချက်လေးကို ပြောပြဖော်ထုတ်ရှာသည်။
လိမ္မာရိုးသား စာကြိုးစားသည့် ကလေးမို့ ဒေါ်ဌေးမြင့် နားလည်ပေးနိုင်ပါသည်။
သြော်. . .သမီးရယ် ဟုသာ တွေးရင်း ဘယ်လိုမှ ကြံရာလည်းမရသည်မို့၊
ဘယ်တစ်ခွန်းတစ်စမျှ ဆက်၍ မပြောနိုင်၊ နှစ်သိမ့်မပေးနိုင်တော့ပေ။
"မဌေးမြင့်ရေ . . . တော့် မဌေးမြင့်တို့ သားအမိတတွေဘယ်သွားကြတုန်း" ဟုဆိုကာ ပြောပြောဆိုဆိုနှင့် ရွာထဲမှ မလှညွန့်က အသံနှင့်တပါတည်း အိမ်ပေါက် ကောက်ခါငင်ခါ
တက်ချလာလေသည်။ ဘေးမှာလည်း မန္တလေးနေသည်ဆိုသည့် သူ့သမီးက အထုပ်ပလုတ်တွေဆွဲထားလျက် ပါလာလေသည်။
"ဟောတော် . . သားအမိတတွေ ၊ ဘာတွေများ ပြောဆိုနေကြတာတုန်း။"
"ဟောတော် . . သမီး ဌေးဌေးလင်း။ ငိုထားတာလည်း။ ဟောတော် . .
။ မဌေးမြင့်ရယ် . . ကလေးကို မကြီးမငယ် ရိုက်များထားတာလား။ ကလေးက အလိမ္မာကြီးကို . ."
မလှညွန့်မှာ မသိဘာသာမနေဘဲ ရမ်းသမ်းမှန်းသမ်း တန်းစီ၍ ကရားရေလွှတ်
ပြောနေပါတော့သည်။ ပါးစပ်ကလည်း ပြောရင်း သမီးနားသွားထိုင်ကာ သမီးကို သွားချော့နေပြန်ပါသည်။
"ပြော . . သမီး။ သမီးအမေက သမီးကို ဘာလို့ရိုက်တာတုန်း။ ဟဲ့
. . ဌေးမြင့်၊ ညည်းနှယ်ဟယ်. . . ကလေးမလေး ငါ့သမီး အလိမ္မာလေးကို ညည်းက ဘာကိစ္စရိုက်နှက်ထားရတာတုန်း"
"မလှညွန့်် . . .တော့်နှယ်တော်။ ကျုပ် မရိုက်ပါဘူးတော်. .။
ကျုပ်သမီး အလိမ္မာမှန်း ကျုပ်လည်းအသိပါ. ။ဘာလို့ရိုက်ရမှာလဲ .။ ရိုက်ထားတာမဟုတ်ပါဘူး။
ဒီလိုပဲ . . ဒီတစ်နှစ် အသီးမကောင်းလို့ လာမည့်ရှေ့နှစ် ဆယ်တန်းတက်ရမှာ ကျုပ်က ဆက်ထားမပေးနိုင်လို့ပါ..တော့။
တော့်နှယ် . . "
"သြော်. . .ဟုတ်လား။ သိပါဘူးတော်. . ။ ကဲ . .ကဲ .. သမီး။ တို့တောင်
လာရင်းကိစ္စ မေ့ကုန်ပြီ။ ဌေးဌေးလင်းလေး ငိုနေတာမြင်တာနဲ့. .။ တော့်. .မဌေးမြင့် . .။
ဒါ ကျုပ်သမီး မန္တလေးနေတဲ့ အငယ်မ . . မိုးမိုးလေ။ မှတ်မိလား။"
"သြော် . . အေးအေး။ မှတ်မိတာပေါ့ဟဲ့. .။ ဟဲ့ .သမီး မိုးမိုး။
မန္တလေးမှာ နေရထိုင်ရ အဆင်ပြေလားအေ့"
"ဟုတ်ကဲ့ ဒေါ်ဒေါ် ။ အကုန်အဆင်ပြေပါတယ်" ဟု ပြောရင်း သူ့လက်ထဲက
ဆွဲလာသော ထိုးမုန့်ထုပ်များကို ဒေါ်ဌေးမြင့်ရှေ့ ချပေးလာသည်။ "သြော်. . ညည်းနှယ်အေ။ လူချည်းသက်သက်
လာနှုတ်ဆက်။ ကျေနပ်ပါတယ်အေ့ . . အလကား အကုန်ခံလို့ ၀ယ်လာရတယ်လို့"
"သြော် ဒေါ်ဒေါ်ရယ်။ ဒီရပ်ဒီရွာ ဒီဆွေဒီမျိုးပဲရှိတာ. .။ သီတင်းကျွတ်ကလည်း
မလာဖြစ်လိုက်အတူတူ၊ ခုမှပြန်လာဖြစ်ရင်း အဲ့ဒါ ကန်တော့တာ. .။"
"အေးပါအေ. . သာဓုပါတော်၊ သာဓုပါ . .။ ဒီ့ထက်ပိုလို့ အလုပ်ရာထူးတိုးတက်ပါစေတော်.
.။ ဒေါ်ဒေါ်ကလေ သမီးကို ညည်းတို့ကို စံထားပြီး ကြိုးစားခိုင်းရတာဟဲ့ . . ။ ညည်းတို့လို
ပညာတတ်၊ အလုပ်အကိုင်အဆင်ပြေမှ သမီးတို့တွေလည်း ဒေါ်ဒေါ်တို့လို ယာထဲ မဆင်းရမှာအေ့. .
။ သူ့အဖေကဆိုလေ . . သူ့သမီးတွေကို ပညာတတ်အောင် ဆုံးခန်းတိုင်ထားပေးဖို့ တတွတ်တွတ်မှာသွားရှာတာအေ့
. . ။ ခုတော့ . ."
ပြောရင်း ရင်ထဲဆို့နင့်လာသဖြင့် ဒေါ်ဌေးမြင့်ကြီးတစ်ယောက်
မျက်ရည်ဝဲတက်လာ၍ မျက်ရည်လေးကို ပုခုံးပေါ်မှ တဘက်စလေးဖြင့် မျက်ရည်စသိမ်းလိုက်သည်ကို
ကြည့်ရင်း မိုးမိုးရင်ထဲ စာနာသနားလာမိပြီး လိမ္မာကြိုးစားသော ဌေးဌေးလင်းလေးကိုလည်း ကူညီပေးချင်လာမိသည်။
ဌေးဌေးလင်းလေးမှာလည်း မိုးမိုး မန္တလေးမသွားခင်က ငယ်စဉ်ကတည်းက မိုးမိုးညီမတစ်ယောက်လို
နေခဲ့ကြဖူးသဖြင့် ညီမအရင်းလေးတစ်ယောက်လို သနားခင်တွယ်မိသည်မှာလည်း အမှန်ပင်ဖြစ်သည်။
ထို့ကြောင့် ကူညီပေးနိုင်သမျှ ဌေးဌေးလင်းလေး ပညာရေးအတွက် ကူညီပေးကြည့်မည်ဟု ဆုံးဖြတ်ရင်း
ပြောကြည့်လိုက်ဖြစ်သည်။
"ဒေါ်ဒေါ် . . .။ ဒေါ်ဒေါ့်သမီး . .ဌေးဌေးလင်းလေး ကျောင်းမနားရပါဘူး၊
ဒေါ်ဒေါ်ရဲ့။ တကယ်လို့ ဒေါ်ဒေါ်စိတ်ချမယ်ဆိုရင်လေ. . .ဌေးဌေးလင်းလေးကို မန္တလေး၊ သမီးနေတဲ့ကျောင်းကို
ခေါ်သွားမယ်လေ။ အဲ့ဒီကျောင်းမှာက ပညာရေးအခမဲ့ . . ဘာဆိုဘာမှ တပြားသားမှမပေးရဘူး။ အဝေးကလာကြရတဲ့ကျောင်းသားလေးတွေအတွက်ဆို
မိန်းကလေးဖြင့်လည်း မိန်းကလေးဆောင်နဲ့ သီးသန့်နေရာပေးထားသေးတယ်. ဒေါ်ဒေါ်ရဲ့ . .။
အဲ့ဒါ လေ . . ဒေါ်ဒေါ်အဆင်ပြေမယ်ဆိုရင် သမီးနဲ့ ထည့်ပေးလိုက်လေ. . ။ သမီးစောင့်ရှောက်ပေးလို့
အဆင်ပြေပါတယ်. .။"
ဌေးဌေးလင်းလေးမျက်လုံးများ လင်းလက်သွားသလို ဒေါ်ဌေးမြင့်ရင်ထဲလည်း
သမီးပညာရေးအတွက် ၀မ်းမြောက်သွားမိသည်။ သမီးကို မခွဲချင်၊ မခွဲရက်ပေမယ့် သမီးရှေ့ရေး
ပညာရေး၊ သမီးဘ၀အတွက်မို့ သမီးတို့အဖေကြီးလည်း ဖြစ်စေချင်ခဲ့သလို၊ ဒေါ်ဌေးမြင့် မိမိကိုယ်တိုင်ကိုယ်၌ကလည်း
သမီးတွေကို သူ့အဖေရည်ရွယ်ချက်အတိုင်း ဖြစ်စေချင်သည်မို့ တခါတည်းပင် ဖြေလိုက်မိပါသည်။
"သမီးပညာရေးပဲ . . . ခွင့်ပြုပေးရမှာပေါ့"
"ဟေး . . ." အပျော်တွေနှင့်ထအော်လိုက်ရင်း မအေ့ပါးကို ဖက်နမ်းလာသော
သမီးနှင့် မိမိတို့သားအမိကိုလှမ်းကြည့်နေသော အပြုံးတွေနှင့် ပြုံးရင်း ငေးကြည့်နေသော
မိုးမိုးကိုလည်း ကျေးဇူးတင်မိပေသည်။
သမီး မိုးမိုးလည်း ကျန်းမာချမ်းသာပါစေတော် . .
* * * * *
ဒီနေ့ . .
သမီးတို့ ဆယ်တန်းစာမေးပွဲအောင်စာရင်းတွေ ထွက်မယ့်နေ့တဲ့။
သမီးက မနေ့ညက ကြိုဖုန်းဆက်ထားသည်။ ဒီမနက် ခုချိန်လောက်ဆိုလျှင်
သမီး အောင်စာရင်းကြည့်ပြီးလောက်ရော့မည်။ အိမ်လှေကားတက်ခုံထိုင်နေရင်း သမီးအကြောင်း
တွေးနေတုန်း ရွာထိပ်က ဘုန်းကြီးကျောင်းက ဓာတ်စက်သံပေါ်ထွက်လာသည်။ "ဒေါ်ဌေးမြင့်ခင်ဗျား။
ဖုန်းလာနေပါတယ်ခင်ဗျား"ဟူသောအသံ လေးငါးခါဆက်တိုက်ထွက်လာတော့မှ အတွေးမျှင်စကိုဖြတ်ကာ
ကမန်းကတန်း ခုံဖိနပ်ထူထူကို ကောက်စီးရင်း အပြေးလေး ရွာဦးဘုန်းတော်ကြီးကျောင်းဆီဘက်သို့
ပြေးထွက်သွားမိလေသည်။
"ဟယ်လို မေမေလား"
"အေး . . .သမီး။ အောင်လား?" ကမန်းကတန်းနှင့် သမီးအဖြေကိုပင်
မစောင့်ဘဲ ဒရောသောပါးမေးလိုက်မိတော့ သမီးက
"ဟုတ်ကဲ့မေမေ။ အောင်တယ်. . ။ ဂုဏ်ထူးနှစ်ခုပါတယ်" တဲ့. . ။
ဒေါ်ဌေးမြင့်လေ ၀မ်းသာလွန်းလို့ ဖုန်းကို တရွှတ်ရွှတ်နမ်းနေမိလေသည်။ အေး ဒါမှ ငါ့သမီးဟေ့
လို့လည်း ရင်ထဲမှ အထပ်ထပ်အော်နေမိလေသည်။ ထိုနေ့တစ်နေ့လုံး ဒေါ်ဌေးမြင့်မှာ ရွာထဲ တွေ့သမျှသူကိုတွေ့တိုင်း
သမီး ဆယ်တန်းဂုဏ်ထူးနှစ်ခုနှင့် အောင်မြင်ကြောင်းကို ဖောင်ဖောင်ကြီး ကရားရေလွှတ်ပြောပြနေမိလေတော့သည်။
* * * * *
သမီး ဌေးဌေးလင်းမှာ ဒီနှစ် တက္ကသိုလ်ဆက်တက်တော့မည်ဟုဆိုသည်။
မေမေ ၀န်တာမလေးရအောင်ဟုဆိုကာ အရင်ဆုံး သူတို့ဖောင်တော်ဦးကျောင်းမှာ ရုံးဌာနဘက်၊ ဘ.ကကျောင်းရုံးလုပ်ငန်းဌာနဘက်
အလုပ်ဝင်နေသည်မှာ လေးငါးခြောက်လပင်ရှိပြီး ယခု သူလျှောက်ထားသည့် အဝေးသင်ပညာရေး ပထမနှစ်ကို
စတက်တော့မည်ဖြစ်သည်။ အမေ့ကို ပင်ပန်းမှာစိုး၍ဟုဆိုကာ သူ့ပိုသည့်လစာထဲမှ တစ်ဝက်ကို ပို့ပေးနေပြီး
ယာတောအလုပ်ကိုပင် နားခိုင်းနေလေပြီ။ သမီးအလိမ္မာ၏သိတတ်လိမ္မာမှုကိုတွေးမိတိုင်း ဒေါ်ဌေးမြင့်မှာ
ကြည်နူးဝမ်းသာဖြစ်ရသည်။ သမီးအငယ်မကိုလည်း သမီးအကြီးမ၏လစာဖြင့်ပင် ယခုတော့ အဆင်ပြေပြေထားနိုင်နေခြင်းဖြစ်သည်။
သမီးအကြီးက ပြောသည်။ သူမ ကျောင်းပြီးသွားလျှင် ဖောင်တော်ဦးကျောင်းကြီးမှာ
သုံးလေးငါးနှစ်ခန့်တော့ ကျေးဇူးဆပ်ရင်း အလုပ်လုပ်ပေး၊ တာဝန်ထမ်းဆောင်ပေးချင်သေးသည်ဟုဆိုသည်။
ပြီးမှ ရွာသို့ပြန်လာကာ မန္တလေးကျောင်းကိုယ်စား ကျောင်းကျေးဇူးဆပ် ရွာဘုန်းဘုန်းကျောင်းမှာ
စာသင်စာပြလုပ်ပေးချင်သည်ဟုဆိုလေသည်။ မိခင်ကျေးဇူးအပြင် သူ့ကို ပညာသင်ပေးခဲ့သည့် ဖောင်တော်ဦးပရဟိတကျောင်းတော်ကြီးရဲ့ကျေးဇူး၊
ရပ်ရွာကျေးဇူး၊ ရွာကျောင်းဆရာတော်ကျေးဇူးတို့ကိုပါ သိတတ်လိမ္မာစွာ ဖုန်းပြောတိုင်း သူ့စိတ်ကူးတွေကို
ပြောပြောပြနေတတ်သည့် သမီးအလိမ္မာကို စိတ်ထဲမှ၊ ရင်ထဲမှ လှိုက်လှိုက်လှဲလှဲ ဂုဏ်ယူဝမ်းမြောက်နေမိသည်။
ကျေးဇူးသိတတ်သည့် သမီးစိတ်ကူးတွေ တကယ်ဖြစ်လာမှာပါဟု တွေးရင်း ဒေါ်ဌေးမြင့်တစ်ယောက် သမီးကို
မေတ္တာပို့ပေးနေမိသည်မှာ နေ့စဉ်နှင့်အမျှပင်ဖြစ်လေသည်။
* * * * *
သမီး ဌေးဌေးမြင့်တစ်ယောက် ဒီနေ့မနက်ကပင် သူ့ကျေးဇူးရှင် မိုးမိုးနှင့်
ပြန်ရောက်လာသည်။ ဒေါ်ဌေးမြင့်၏အိမ်တွင်မှာတော့ ရွာထဲက လူငယ်၊ ကလေး၊ လူကြီးရော အစုံအလင်ပင်
ရောက်ရှိနေကြသည်။ သမီးဌေးဌေးလင်းက ပြောသည်။ ဤတစ်ခေါက် သမီးပြန်လာသည်မှာမူ အခါတိုင်းကဲ့သို့
တစ်လလေးသီတင်းခန့် ခွင့်ရ၍ ပြန်လာတော့ခြင်းမျိုးမဟုတ်တဲ့. . ။ ဖောင်တော်ဦးကျောင်း၏
ဘ.ကကျောင်းများဖွံ့ဖြိုးတိုးတက်ရေးအဖွဲ့၊ သင်တန်းမှူးဆရာမတစ်ယောက်အဖြစ် ပြန်လာခြင်းဖြစ်သည်တဲ့.
.။ သူကျေးဇူးဆပ်ချင်ခဲ့သည့်ရွာကို ကျေးဇူးဆပ်ဖို့ရန် ရွာဦးဘ.ကကျောင်းမှာ တစ်နှစ်တိတိ
သင်တန်းပို့ချ၊ စာသင်ပေးဖို့ရာရောက်ရှိလာတာတဲ့. .။ ပျော်တပြုံးပြုံးနှင့် လာသမျှ ရွာသူရွာသားအားလုံးကို
ဧည့်ခံ၍ မမောနိုင်သူကတော့ ဒေါ်ဌေးမြင့်ကြီးပင်ဖြစ်လေသည်။
မှန်ပေသည်။ ဌေးဌေးလင်းမှာ ယခုအခါတွင် နယ်လှည့် ဘ.က သင်တန်းဆရာမ
ဒေါ်ဌေးဌေးလင်းပင်ဖြစ်၍ နေလေပြီ။ ပြီးခဲ့သည့်နှစ်နှစ်ခန့်က တက္ကသိုလ်ကျောင်းအပြီး အင်္ဂလိပ်စာသင်တန်းနှင့်
ပီ.စီ.ပီ ခေါ် သင်တန်းများတက်ရောက်ရင်း နိုင်ငံခြားတက္ကသိုလ်တစ်ခုမှ သင်ကြားရေးနှင့်
စီမံခန့်ခွဲရေးမဟာဘွဲ့အတွက် ပညာသင်ဆုရရှိချီးမြှင့်ခံရပြီး နိုင်ငံခြားတွင် တစ်နှစ်ပညာသွားရောက်သင်ယူကာ
ယခုအခါ ပြန်လည်ရောက်ရှိလာပြီး မိခင်ဖောင်တော်ဦးကျောင်းကြီးကိုလည်း ကျေးဇူးဆပ်ရင်း
ဇာတိရွာလေးကိုလည်း ကျေးဇူးဆပ်ရင်း ယခုအခါတွင်မတော့ ဌေးဌေးလင်း(ခေါ်) သင်တန်းဆရာမလေး
ဒေါ်ဌေးဌေးလင်းတစ်ယောက် တံတားဦးနယ်၊ ရွာညောင်လှရွာသို့ ပြန်လည်ရောက်ရှိလာခဲ့ပြီဖြစ်သည်။
ရာသီဥတုအခြေအနေကြောင့် ဆယ်တန်းမတက်နိုင်သေးဘဲ တစ်နှစ်နားရမည့်အခြေအနေမှာ အခွင့်သာစွာ
ရောက်ရှိခဲ့သည့် ဖောင်တော်ဦးဘ.ကကျောင်းတော်ကြီးတွင် သမီးဌေးဌေးလင်းတစ်ယောက် ဆယ်တန်းပညာသာမက
တောက်လျှောက် တက္ကသိုလ်အဆင့်မြင့်ပညာများ၊ စီမံခန့်ခွဲရေးပညာများ၊ ဘ၀တက္ကသိုလ်ပညာများကို
ရှာဖွေဆည်းပူး၊ ပညာရင်နို့ သောက်စို့ရင်း တစ်ဘက်က ကျောင်းတော်ကြီးကျေးဇူးကိုဆပ်ရန်
တာဝန်ထမ်းဆောင် အလုပ်လုပ်လျက် ရှမ်းပြည်အစရှိသည့် မြန်မာနိုင်ငံတနံတလျား ဒေသအသီးသီးရှိ
ဘ.ကကျောင်းတွေမှာ နယ်လှည့်သင်တန်းဆရာမတစ်ဦးအဖြစ် လှည့်လည်သင်ကြား စေတနာ့ဝန်ထမ်းဆောင်ကာ
ယခုတစ်ကြိမ် ရွာသို့ရောက်ရှိလာခဲ့ခြင်းပင်ဖြစ်လေသည်။ သူ့ဆရာမ မိုးမိုးကို ကန်တော့နေသော
သမီးကို ဤတစ်ကြိမ်မြင်တွေ့ရခြင်းမျိုးမှာ အခါတိုင်းတွေ့ဆုံခြင်းမျိုးနှင့်မတူတော့ချေ။
စေတနာလေပြေလေညင်းများနှင့်အတူ ကျေးဇူးသိတတ်ခြင်းလေပြေတို့ကြောင့် ကံကြမ္မာတိမ်တိုက်မည်းများမှ
မြူကင်းစင်းစွာထွက်လာရသည့် လမင်းလေးကဲ့သို့ပင် ဒေါ်ဌေးမြင့်မျက်လုံးထဲ မြင်ယောင်တွေးတောနေမိသည်။
ရင်ထဲ၊ ၀မ်းထဲ ပူပင်သောကငြိမ်းလျက် ရွာက ကလေးသူငယ်၊ လူငယ်များကို ကြိုးစားကြဖို့ တိုက်တွန်းပြောဆိုနေသည့်
စာရေးဆရာမပေါက်စလေး သမီး ဌေးဌေးလင်းကို ကြည့်ရင်း
ဒေါ်ဌေးဌေးမြင့်တစ်ယောက် ပီတိဖြစ်နေမိသည်။ ဟုတ်လေသည်. . ၊ သမီး ဌေးဌေးလင်း ပြောသည့်အတိုင်းပင်၊
ဖောင်တော်ဦးပရဟိတကျောင်းတော်ကြီးက မြန်မာနိုင်ငံတနံတလျား တိုင်းရင်းသား၊ လူငယ်မြောက်မြားစွာတို့၏
ဘ၀ကိုမြှင့်တင်ပေးနေသည့် နေရာဌာနကြီးပင်ဖြစ်လေသည်။ သမီး ပြောစကားအရဆိုလျှင် ဖောင်တော်ဦးဘ.က
ပရဟိတကျောင်းသည် . . .
"ကိုးရာမဲ့တို့ နားခိုရာ"တဲ့ . . ။
တကယ်လည်း အမှန်ပင်ဖြစ်ပါတော့သည်။
(မန္တလေးမြို့၊ ဖောင်တော်ဦးပရဟိတဘုန်းတော်ကြီးသင်ပညာရေးကျောင်း၊ ဘုန်းတော်ကြီးသင်ပညာရေးကျောင်း ဖွံ့ဖြိုးတိုးတက်ရေးအဖွဲ့ကို ဂုဏ်ပြုသောအားဖြင့် . . . ဖောင်တော်ဦးကျောင်း၊ Pre-College Program (P.C.P) ဒုတိယအပတ်စဉ် သင်တန်းဆင်းအောင်လက်မှတ်ပေးအပ်ပွဲအခမ်းအနားတွင် သင်တန်းသား၊ သင်တန်းသူများ သရုပ်ဖော်၊ ရည်ညွှန်းသော လက်တွေ့ဘ၀ဖြစ်စဉ် ဇာတ်လမ်းတစ်ခုကို ကာယကံရှင်များ၏အမည်များ၊ ရွာအမည်များကို ပြောင်းလဲအစားထိုး၍ ခံစားရေးဖွဲ့ တင်ပြအပ်ပါသည်။)
