Tuesday, May 17, 2016

"ပြည်ထောင်စုစိတ်ဓာတ်-ပင်လုံစိတ်ဓာတ်အကြောင်းတစေ့တစောင်း"

(ယခင်စာ"ပြည်ထောင်စုစိတ်ဓာတ်-ပင်လုံစိတ်ဓာတ်အကြောင်းတစေ့တစောင်း"မှအဆက်>>)


၁၈၈၅ နိုဝင်ဘာမှာ အင်္ဂလိပ်က မြန်မာပြည်ကို အပြီးသိမ်းလိုက်ပါတယ်။ ဒီချိန်မှာ သီပေါဘုရင်လက်ထက် ဗမာပြည်နဲ့ ကူးလူးဆက်ဆံမှု များခဲ့တဲ့ ရှမ်းစော်ဘွားတွေကစပြီး အတူနေခဲ့ကြတဲ့ သွေးချင်းဘုရင်ဆိုတဲ့ ညီညွတ်ရေး ပြည်ထောင်စုစိတ်ဓာတ် ဓာတ်ခံနဲ့ အင်္ဂလိပ်ကို တော်လှန်ကြပါတယ်။ နောက်ပိုင်း ချင်း-ကချင်-မွန်-ရခိုင် စတာတွေပါ တော်လှန်ကုန်ကြတယ်။ ဒါပေမယ့် တပ်ပေါင်းစုအဖြစ် မစုစည်းမိဘဲ ခေတ်မီလက်နက်တပ်ဆင်ထားတဲ့ အင်္ဂလိပ်စစ်တပ်ရဲ့ ချေမှုန်းမှုဟာ ခဏတာမျှ ရပ်တန့်နားနေသွားခဲ့တယ်။ တိုင်းရင်းသားတွေဟာ ကိုယ့်ပြည်ထောင် ကိုယ့်နယ်ပယ်နဲ့ တသီးတသန့်နေခဲ့ကြသော်လည်း ပြည်ထောင်စုစိတ်ဓာတ်ရှိလို့သာ အရေးကြုံတဲ့အခါ သွေးစည်းလာခဲ့ကြတာဖြစ်တယ်။ ပြည်ထောင်စုစိတ်ဓာတ်ဟာ အဲ့ဒါပါပဲ…။ အရေးကြုံလာရင် သွေးစည်းဖို့ပါပဲ။

အင်္ဂလိပ်ဟာ မြန်မာပြည်ထောင်စုနိုင်ငံအဝန်းကို သိမ်းလုံးအုပ်ချုပ်လိုက်ပေမယ့် အစပထမ ပြည်နယ်တစ်ခုအဖြစ်တောင် သဘောမထားခဲ့ကြပါဘူး။ အိန္ဒိယလို နယ်အကြီးကြီးကိုမှ ပြည်နယ်သတ်မှတ်ပြီး မြန်မာပြည်ထောင်စုကိုတော့ ပြည်နယ်လို့တောင် မသတ်မှတ်ခဲ့ဘဲ အိန္ဒိယနယ်အောက် သွတ်သွင်းထားခဲ့တာဖြစ်တယ်။ ၁၉၀၀ ပြည့်နှစ်ကျော် ကာလများမှာ မြန်မာလူငယ်တွေဟာ မျက်စိပွင့်-နားပွင့်လာကြပြီး ဟုမ္မရူးလ်(Home Rule) (ခ) အိန္ဒိယကနေ ခွဲထွက်ပြီး တသီးတခြား ကိုယ်ပိုင်လွတ်လပ်ခွင့်ကို တောင်းဆိုလာကြပါတယ်။ ဝိုင်အမ်စီအေ-ဝိုင်အမ်ဘီအေတို့လို လူငယ်ဘာသာရေးအသင်းအဖွဲ့တွေကနေ ဂျီစီဘီအေ အဖွဲ့တွေပေါ်ပေါက်လာပြီး နိုင်ငံရေးနိုးကြားတက်ကြွလာကြတယ်။ အဲ့ဒီလူငယ်တွေ-တက်ကြွလှုပ်ရှားမှုခေါင်းဆောင်တွေထဲမှာ တိုင်းရင်းသားတွေ ပါတယ်။ "အရေးကြီးရင် သွေးနီးတယ်"ဆိုတာဟာ ပြည်ထောင်စုစိတ်ဓာတ် မိသားစုစိတ်ဓာတ်ကို ရည်ညွှန်းတာဖြစ်တယ်။

၁၉၂၀ မှာ ပထမ ကျောင်းသားသပိတ်ဖြစ်တယ်။ ဝံသာနုအသင်းက ဦးဆောင်ပြီး အခွန်မပေးရေး ဆန့်ကျင်လှုပ်ရှားမှုတွေ ပေါ်တယ်။ အများကြီးပဲ…။ အရှိန်ကောင်းလာတယ်။

၁၉၃၀မှာ ဆရာစံအရေးတော်ပုံဖြစ်တယ်။ အဲ့ဒီနှစ်မှာပဲ တို့ဗမာအစည်းအရုံးပေါ်ပေါက်လာပြီး သခင်လူငယ်တွေ များစွာထွက်ပေါ်လာတယ်။ ၁၉၃၆ မှာ ရန်ကုန်တက္ကသိုလ်ကျောင်းသားများသမဂ္ဂရဲ့ ခေါင်းဆောင်နှစ်ဦးဖြစ်တဲ့ ကိုနုနဲ့ ကိုအောင်ဆန်းတို့ ကျောင်းထုတ်ခံရတဲ့အတွက် ဒုတိယကျောင်းသားသပိတ်ဖြစ်လာတယ်။

၁၉၃၇ မှာ ဗြိတိသျှတို့ဟာ ဗမာပြည်အဖြစ် အိန္ဒိယကနေ ခွဲထုတ်ပေးလိုက်တယ်။ ၁၉၃၈ ရေနံမြေသပိတ်မှာ ဗိုလ်အောင်ကျော် ကျဆုံးတယ်။ ဒုတိယကမ္ဘာစစ်ဖြစ်ပွားတဲ့ ၁၉၄၂ မှာပဲ မြန်မာပြည်ကို ဂျပန်ဝင်လာတယ်။ ၁၉၄၅ မှာ အင်္ဂလိပ်နဲ့ မဟာမိတ်တပ်များကို ဂျပန်ကို အပြီးတိုက်ထုတ်ပြီးဖြစ်တယ်။ ဂျပန်ဝင်လာခါစမှာရော ဂျပန်ကို ပြန်တိုက်ထုတ်တဲ့နေရာမှာရော အဓိကစွမ်းဆောင်ခဲ့တာကတော့ ရဲဘော်သုံးကျိပ်နဲ့ဖွဲ့စည်းခဲ့တဲ့ ဗမာ့တပ်မတော်ရဲ့ဦးဆောင်မှုနောက်မှာ ကချင်-ကယား-ကရင်-ချင်း-မွန်-ဗမာ-ရခိုင်-ရှမ်းအစရှိတဲ့ တိုင်းရင်းသားပြည်သူအားလုံး ထူးထူးကဲကဲ မကြုံဖူးတဲ့ ညီညွတ်မှုမျိုးနဲ့ ဘုံရန်သူတွေအားလုံးကို မြန်မာ့မြေပေါ်ကနေ နှင်ထုတ် တိုက်ထုတ်နိုင်ခဲ့တာဖြစ်တယ်။ ခိုင်မာပေါင်းစည်းမိတဲ့ ပြည်ထောင်စုစိတ်ဓာတ်ကြီးဟာ အဲ့ဒီနယ်ချဲ့နဲ့ ဖက်ဆစ်တော်လှန်ရေးတွေမှာ ရုန်းကြွနိုးထလာခဲ့တာဖြစ်တယ်။

အာရှစစ်မျက်နှာပြင်မှာ စစ်ဦးဘီလူးဂျပန်တပ်မဟာကြီးရဲ့ တပ်သားအကျအဆုံး အများဆုံးဖြစ်စေခဲ့တဲ့ မြန်မာပြည်ထောင်စုသား တိုင်းရင်းသားပြည်သူတွေရဲ့ ညီညွတ်ရေးစွမ်းပကားကို အံ့မခန်း နဖူးတွေ့ဒူးတွေ့ တွေ့လိုက်ရတဲ့ အင်္ဂလိပ်ဟာ သူတို့ပြန်ဝင်လာတဲ့ ၁၉၄၅ မှာပဲ တောင်ပေါ်ရယ်-မြေပြန့်ရယ်ဆိုပြီး သွေးခွဲအုပ်ချုပ်ဖို့ ကြံစည်တော့တာပဲ။

● ပင်လုံ အကြို - မိုင်းကိုင်ညီလာခံ

**************************

ဒုတိယကမ္ဘာစစ်အပြီး ၁၉၄၇ မေ(၁၇)တွင် ဗြိတိသျှအစိုးရ၏ စက္ကူဖြူစာတမ်းအရ တောင်တန်းဒေသများအတွက် ၁၉၄၆ ခုနှစ် နယ်ခြားဒေသများဆိုင်ရာ စည်းမျဉ်းဥပဒေဖြင့် သွေးခွဲအုပ်ချုပ်ရန် ကြံစည်ခဲ့သည်။ တောင်တန်းဒေသများမှ ရှမ်းစော်ဘွားများ၊ ကချင်ဒူးဝါးများ၊ ကရင်စော်ကဲများ၊ ချင်းတောင်အုပ်များ၊ ကရင်နီ (ကယား)စောဖျာများစသည်ကို နယ်ခြားဒေသ များဟု ပူးပေါင်းကာ ဘုရင်ခံ၏ ကြိုးကိုင်မှုအောက်တွင် ထားရှိနိုင်ရေး ရည်ရွယ်ခဲ့ကြသည်။

ရှမ်းစော်ဘွားများ ယင်းကာလအတွင်း နယ်ပယ်စုစည်းကြပုံကို သမိုင်းသုတေသီ ဒေါက်တာမြင့်သိန်းရေးသားသော သံတော်ဆင့်သတင်းစာ-အတွဲ(၁) အမှတ်(၄၈)ပါ ဆောင်းပါးတွင် အောက်ပါအတိုင်းဖတ်ရှုနိုင်သည်။

"ရှမ်းစော်ဘွားများကလည်း ဒုတိယ ကမ္ဘာစစ်အပြီးတွင် မိမိတို့၏ပဒေသရာဇ်စနစ်ကို အသွင်ပြောင်းရန်စီစဉ်လာ သည်။ ပထမဦးစွာ ညောင်ရွှေစော်ဘွား စ၀်ရွှေသိုက်က တောင်ကြီးမြို့ရှိ ရှမ်းပြည်နယ်အရေး ပိုင်မှတစ်ဆင့် နယ်စပ်ဒေသများဆိုင်ရာ ညွှန်ကြားရေးဝန် မစ္စတာပိယော့စ်ထံသို့ ရှမ်းပြည်အနာဂတ်အတွက် အကြံပေးစီမံ ကိန်းတစ်ခုကို တင်သွင်းလိုက်သည်။ ထိုစီမံကိန်းမှာ သူတစ်နယ် ငါတစ်မင်းအုပ်ချုပ်နေသော ရှမ်းပြည်အား ပဒေသရာဇ် အုပ်ချုပ်ရေးမှ ဧကရာဇ်အုပ်ချုပ်ရေးစနစ်သို့ အသွင်ကူးပြောင်းရေးပင် ဖြစ်သည်။ သိနီ်္နစော်ဘွား စ၀်ဟုန်ဖကလည်း ၃၄ နယ် ရှိသော ရှမ်းဒေသတွင် အရွယ်အစားအမျိုး မျိုးကွဲပြားနေသဖြင့် နယ်ငယ်ကလေး များကို ပေါင်းပစ်ကာ နယ်ကြီး ၁၂နယ်အထိ ချုံ့၍ပူးပေါင်းရန်၊ ထို(၁၂)နယ်မှ စော်ဘွားများသည် အလှည့်ကျ အဓိပတိ ရွေးချယ်ပြီး အုပ်ချုပ်သွားရန် တင်ပြလာသည်။ ထိုသဟာယသမဂ္ဂမူ ကိုနယ်ငယ်များမှ မြို့စား၊ ငွေခွန် မှူးများက ကန့်ကွက်ကြပြန်သည်။ ဤတွင် တောင်ပိုင်းစော်ဘွား ခွန်ပန်းစိန်က နယ်ငယ်များဘက်မှလိုက်၍ ဆင်ခြေပေးပြီး ဤကိစ္စများအတွက် နယ်ရှင်အားလုံး အစည်းအဝေးတစ်ရပ် ခေါ်ယူရန်နှင့် ရှမ်း ပြည်တောင်ပိုင်း၊ မြောက်ပိုင်း ဗဟိုကျသော မိုင်းကိုင်မြို့တွင် စည်းဝေးကြရန် နယ်ရှင် များအားလုံးကို ဖိတ်ခေါ်ခဲ့လေသည်။

တောင်ပိုင်းစော်ဘွား၏ စာထွက်ပေါ် လာသောအခါ ရှမ်းပြည်တောင်ပိုင်းရှိ နယ်ရှင်များအားလုံးမှာ လှုပ်ရှား လာကြသည်။ ၁၉၄၅ ဒီဇင်ဘာတွင် မိုင်းပွန်စော်ဘွား စ၀်စံထွန်း၏ မဟာဒေ၀ီဈာပနကို ရှမ်းပြည်တောင်ပိုင်းမှ စော်ဘွားများ စုံညီစွာ တက်ရောက်ကြသည်။ ထိုစဉ် တောင်ပိုင်းစော်ဘွားပေးစာကို အထူးစိတ်ဝင်စားစွာ ဆွေး နွေးကြပြီး မိုင်းကိုင်မြို့တွင် အဆောတလျင် တွေ့ဆုံဆွေးနွေးရန် သဘောတူကြသည်။ ဤသို့ဖြင့် မိုင်းကိုင် ညီလာခံသည် ၁၉၄၆ ခုနှစ် ဇန်န၀ါရီ ၃၁ရက်တွင် ဖြစ်ပေါ်လာခဲ့သည်။"ဟု တွေ့ရပါတယ်။

ဒါ့ကြောင့် ပင်လုံအကြို မိုင်းကိုင်ညီလာခံလို့ဆိုခြင်း ဖြစ်ပါတယ်။

"ပြည်ထောင်စုစိတ်ဓာတ်-ပင်လုံစိတ်ဓာတ်အကြောင်း တစေ့တစောင်း"

"ပြည်ထောင်စုစိတ်ဓာတ်-ပင်လုံစိတ်ဓာတ်အကြောင်း တစေ့တစောင်း"


ယခုတလော ဒုတိယပင်လုံညီလာခံဆိုတဲ့ စကားကို တော်တော်လေးတွင်ကျယ်စွာ ကြားနေရပါတယ်။ ဒီတော့  ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်ကြီးများတို့ လုပ်ခဲ့ကြတဲ့ပင်လုံညီလာခံကို ပြေးသတိရမိပါတယ်။ အဲ့ဒီပင်လုံအကြောင်း အကျဉ်းချုံး သိဖို့တော့ လိုလာပြီပေါ့နော်။

အဲ့ဒါကို မပြောမီ အဲ့ဒါရဲ့ ရှေးဦးသမိုင်းကို သိဖို့ လိုလာပါတယ်။ တကယ်တော့ အင်္ဂလိပ်မဝင်မီ ဟိုးရှေးပဒေသရာဇ်များကာလမှာ အားလုံးသော တိုင်းရင်းသားလူမျိုးအုပ်စုများဟာ သူတလူ ငါတမင်း ကိုယ့်အုပ်စုနဲ့ကိုယ် နေထိုင်-အုပ်ချုပ်ခဲ့ကြတာသာဖြစ်တယ်။ အဲ့ဒီထဲမှာမှ ပုဂံကို စထူခဲ့တဲ့ သမုဒ္ဒရာဇ်မင်းစတဲ့ ဗမာတွေက တစ်အုပ်စု တစ်နယ်ပယ် ယုန်လွှတ်ကျွန်း(၁၉)ရွာစသည်ဖြင့် ဗမာ့နယ် ဗမာနိုင်ငံ ပုဂံရယ်လို့ ထူထောင်နေထိုင်ခဲ့ကြတယ်။ တရုတ်ဘက်ကလာတဲ့ ရှမ်းတွေကလည်း နယ်အသီးသီးနဲ့ နေခဲ့ကြတယ်။ အစဦးကတော့ ရောပြွန်းသောပြွန်းနေခဲ့ကြတာလည်း ရှိခဲ့ပါတယ်။ ဗမာတွေနဲ့ အဦးအစ ခေတ်ပြိုင် ပျူ-သက်-ကမ်းယံလူမျိုးတွေဟာ နာမည်အရပဲလား-လူမျိုးစုနွယ်လုံးပဲ တကယ်ပျောက်ခဲ့သလား-အမည်ရွေ့လျော နေရာပဲပြောင်းသွားခဲ့ကြသလား နှောင်းပိုင်း ဗမာ့သမိုင်းမှာတော့ ပျောက်ကွယ်သွားခဲ့တာတော့ အမှန်ပါပဲ။ ပုဂံနောက် အင်းဝ-ဟံသာဝတီခေတ်ရောက်တော့ ပုဂံနဲ့ သထုံ (ဗမာ-မွန်) အားပြိုင်ကြသလို ဘုန်းလက်ရုံး အာဏာပြိုင်ရင်း နယ်ပယ်ချဲ့ထွင်ခဲ့ကြပါတယ်။ အမြွာမြွာ ရှိနေတဲ့ နယ်ပယ်တွေကို ဗမာက အားနိုင်လိုက်တော့ ပုဂံနိုင်ငံတော်ဆိုပြီး ကျယ်ပြန့်စွာ စုစည်းနိုင်ခဲ့တာသာ ဖြစ်တယ်။ အင်းဝစတာတွေကို ဟံသာဝတီဘုရင် ဘုရင့်နောင်က အင်အားသာလွန် နိုင်လိုက်တော့ ဟံသာဝတီနိုင်ငံတော်ကြီး ကျယ်ပြောစွာ စုစည်းတည်ရှိခဲ့တာဖြစ်တယ်။ တစ်ခါ ပြန်လည်ပြိုကွဲသွားတဲ့ နယ်ပယ်အသီးသီးကို ဟိုးအထက်အညာက ရွှေဘိုသူကြီး ဦးအောင်ဇေယျက သိမ်းပိုက်စုစည်းလိုက်နိုင်တော့ ဗမာနိုင်ငံတော်ရယ်လို့ ခေါ်ခဲ့ကြတာ။ ဗမာက အင်အားကြီးပြီး ဗမာက အုပ်တာကိုး။ ဒါကိုပဲ နှောင်းပိုင်း ပြည်ထောင်စုသမိုင်းပြဌာန်းဖို့ ပြုစုကြရတဲ့ သမိုင်းဆရာကြီးများဟာ ပထမ-ဒုတိယ-တတိယမြန်မာနိုင်ငံတော်ရယ်လို့ ခေါ်ခဲ့ကြတော့ ကျွန်တော်တို့တတွေ အားလုံးလိုပဲ ဒါကြီးကိုပဲ စိတ်မှာ အမြဲစွဲခဲ့ကြတော့ တစ်နိုင်ငံလုံးအနှံ့မှာ သမိုင်းတလျှောက်လုံး တိုင်းရင်းသားလူမျိုးနွယ်စု အုပ်စုတွေ တသီးတခြားစီ တလူတမင်း နေခဲ့ကြပါလာူဆိုတဲ့ အချက်ကို မသိစိတ်မှာ မေ့ကျန် ချန်လှပ်ထားခဲ့ကြသလို ဖြစ်နေတယ်။ ဒါဟာ အမှန်တရားပါနော်။ ပြည်ထောင်စုစိတ်ဓာတ် ငြိမ်းချမ်းရေးစိတ်ဓာတ်ဆိုတာဟာ တကယ်ကိုယ်တိုင်ကိုယ်နှိုက်က ရင်ထဲကနေ စွဲပြီး ခံစားတတ်မှ နားလည်လာမယ်။ တည်ဆောက်ယူလို့ရလိမ့်မယ်။ ဇာတ်လမ်းတစ်ခုကိုကြည့်တဲ့အခါ မင်းသားမင်းသမီးနေရာကနေ ကိုယ်ကိုယ်တိုင် အစားထိုးဝင်ခံစား အောင်မြင်စေလိုတဲ့ စိတ်မျိုးတွေ ရသခံစားချက်မျိုးတွေ တိုင်းရင်းသားပြည်သူအားလုံး များများခံစားတတ်လာမှဖြစ်မယ်။ ဒီစိတ်ဓာတ်တွေ ဖွံ့ဖြိုးဖို့လိုပါတယ်။

သမိုင်းကြောင်းကို ပြန်ဆက်ကြရအောင်ပါ…

အမှန်တော့ ပဒေသရာဇ်ခေတ် မင်းတုန်းမင်းတို့ ကုန်းဘောင်နှောင်းပိုင်းရော ရှေ့ပိုင်းရော ကုန်းဘောင်ခေတ်အကြို သမိုင်းကာလတလျှောက်လုံးမှာ တိုင်းရင်းသားလူမျိုးစုနွယ်တွေကို သူ့လူမျိုးနဲ့ သူ့စော်ဘွားနဲ့-သူ့လူမျိုးနဲ့ သူ့ဒူးဝါးနဲ့ … စသည်ဖြင့် သူ့ခေါင်းဆောင်နဲ့ သူ့အုပ်ချုပ်ရေးနဲ့ ထားခဲ့တာသာဖြစ်တယ်။ သေချာ နက်နက်နဲနဲ စဉ်းစားကြည့်တတ်ဖို့ လိုပါတယ်။

ဗမာအားကြီးတဲ့အခါ ဗမာဘုရင့် အာဏာစက်နယ်ပယ် နိုင်ငံတော်လို့ ခေါ်ပြီး ဖြန့်ချင်ဖြန့်ခဲ့မယ်။ မွန်တွေ အင်အားကြီးတဲ့အခါ မွန်ဘုရင့်အာဏာစက်နိုင်ငံတော် ဖြစ်ချင်ဖြစ်ခဲ့မယ်။ အဲ့ဒီကတည်းက ဗမာတိုင်းရင်းသားပဲဖြစ်ဖြစ် မွန်-ကရင်-ကချင်-ရှမ်းတိုင်းရင်းသားလူမျိုးစုပဲဖြစ်ဖြစ် သူ့ကိုယ်ပိုင်အုပ်ချုပ်ရေး မြို့စား-နယ်စား-ရွာသူကြီး-စော်ဘွား-စော်ကဲ-ဒူးဝါး-တောင်အုပ်-စောဖျာစတဲ့ သူ့လူကြီးနဲ့သူဆိုသလို နေခဲ့ကြတာကို သမိုင်းမှာ ပြန်ကြည့်ပါ။ နိုင်ငံတော်ကြီး ပြည်ထောင်စုကြီးအဖြစ် စုစည်းနိုင်ခဲ့ရင်ပဲဖြစ်ဖြစ်-မစုစည်းနိုင်ခဲ့ချိန်ပဲဖြစ်ဖြစ် သမိုင်းမှာ သေချာလက်တွေ့ ပြန်လေ့လာကြည့်…ကြည့်ပါ- သူ့ကိုယ်ပိုင် အကြီးအမှူးခေါင်းဆောင်-သူ့နယ်ပယ် ပြည်ထောင်လေးတွေရယ်လို့ ရှိခဲ့-နေခဲ့-အုပ်စိုးခဲ့ကြတာ အမှန်ပါပဲ။

ဒီလို ပြည်ထောင်လေးတွေမှာရှိတဲ့ တိုင်းရင်းသားတွေရဲ့ အတူတကွ ပေါင်းစည်းလိုတဲ့ ညီညွတ်ရေး "ပြည်ထောင်-စု"စိတ်ဓာတ်ကို သမိုင်းမှာ ရှားရှားပါးပါး ကျန်စစ်သားမင်းလက်ထက်မှာနဲ့ ဘုရင့်နောင်လက်ထက်တို့မှာ အထူးတွေ့ခဲ့ရပြီး ကျန်တဲ့အချိန် အတော်များများလိုမှာတော့ ကိုယ့်ထက်သာလို့ ငြိမ်နေခဲ့ကြရပြီး ညီညွတ်ရေးအင်အား ပျက်ပြယ်ခဲ့တာများပါတယ်။ သမိုင်းတစ်ခေတ်မှာ တစ်ယောက်ဆိုသလို ရှားရှားပါးပါး ပေါ်ထွက်လာတတ်ကြတဲ့ ကျန်စစ်ဘုရင်-ဘုရင့်နောင်-ဗိုလ်ချုပ်အောင်ဆန်းတို့လို ခေါင်းဆောင်ကောင်းတွေဟာ ကိုယ်တိုင်လည်း အတွင်းဓာတ်ခံအား ကိုယ်ကျင့်စာရိတ္တကောင်းမွန်ပြီး တစ်ပါးသူအပေါ်ကိုယ်ချင်းစာနာ ထောက်ထားတတ်ခြင်း ရိုးသားခြင်းဂုဏ်သိက္ခာ အရည်အချင်းပုဒ်တွေကြောင့်သာ တိုင်းရင်းသားလူမျိုးနွယ်စုတွေရဲ့ ကိုယ်ပိုင်ခေါင်းဆောင်တွေ အများရဲ့ ယုံကြည်မှုကို ရခဲ့ကြလို့ ပြည်ထောင်စုနဲ့ ပြည်ထောင်စုစိတ်ဓာတ်ကို ထူထောင်နိုင်ခဲ့ကြတယ်။ ဒီလို ဗိုလ်ချုပ်ရဲ့ စွမ်းဆောင်မှုနဲ့ ဂုဏ်ပုဒ်တွေ အရည်အချင်းတွေကို အခု ဆက်ပြောမယ့် ၁၉၄၇ ပင်လုံညီလာခံသမိုင်းမှာ ပေါ်လွင်လာစေမှာ ဖြစ်ပါတယ်။




(ဆက်လက်စောင့်မျှော် ဖတ်ရှုပါရန်>>)